ചേട്ടവല
********
ഗീത മുന്നൂർക്കോട്
...................................
*മിഴിപടലത്തിനായി
നെയ്തെടുത്ത വലയിൽ
വെട്ടംവന്ന
വാക്കുകളദൃശ്യമാകുമ്പോൾ
ശ്രീ മൂടി
കടും കട്ടി ത്വച
കറുപ്പാലൊരു
മാന്യതക്കോട്ടിനകം
നെഞ്ചിൻ കൂട്ടിൽ
പലതിനെയും
കെട്ടിയടച്ചുപൂട്ടി
ആരുംതേടാ മൂലകളിൽ
ഒളിപാർപ്പിച്ച
ചിലന്തിക്കൂട്ടങ്ങൾ
എട്ടുകാൽ പരപ്പുകൾ
വിരിച്ച്
കടുകിടവിടാ വലകൾക്കായി
അഷ്ടദിക്കുകൾ
കൂട്ടിയാണീ നെയ്ത്ത്
അടുത്തെത്തിയാൽ
വീശുന്നില്ല
വലിക്കുന്നില്ല
എന്നിട്ടും വീഴുന്നു
സകലമാന
കരടും മരടും ചരടും
പ്രാണപ്പിടച്ചിൽ
ഒന്നും രണ്ടും പോര തന്നെ
ഒരു ‘മൾട്ടി’ സ്ക്കോപ്പും ഉയർത്തി
ഈ വലകൾക്ക്
സംക്രാന്തികളില്ല
തൂത്തുമാറ്റാൻ
എല്ലുള്ള ചേലുള്ള
കൈകളുമില്ല…*
തിരിച്ചറിവുകൾ ******* ഹരിലാൽ ഡെൽഹി നിക്കറിയാം.... അത് അങ്ങനേ വരൂ... അവസാന സൗഹൃദവും പടിയിറങ്ങും.... വിരഹത്തിന്റെ സ്നിഗ്ദ കൂട്ടുകൾ ചലിച്ചെഴുതിയ 'ആർട്ടിഫിഷ്യൽ' നൊമ്പരഭാവങ്ങൾ മുഖത്ത് വിരിയിച്ച് കഥകളി കാട്ടി, പൂക്കാത്ത പ്രണയത്തിന്റ അവസാനം പറഞ്ഞ് നീയും മടങ്ങും.... "നിനക്ക് നല്ലതേ വരൂ...." തേങ്ങാക്കൊല.... ഹ ഹ ഹ വീണ്ടും ഞാനെന്റെ ഏകാന്ത സന്ധ്യകളുടെ മണൽപ്പരപ്പിലേക്ക് ചുവടുവയ്ക്കും.... അവിടെ ഞാൻ മാനത്തോട്ട് നോക്കി മലർന്ന് കിടക്കും.... കണ്ണ് നിറഞ്ഞ് തുളുമ്പാതെ നിൽക്കുന്നതു കൊണ്ട്... നക്ഷത്രക്കുഞ്ഞുങ്ങൾ പടർന്ന് ഞാനറിയാതെ എന്റെ ചുറ്റും പ്രകാശ വലയം തീർക്കും.... വീണ്ടും ഞാൻ ഒറ്റയാവലിന്റെ മധുരം നുകരും........ ഇനി തീരാവ്യഥകളും തോളത്തെടുത്ത് ഞാനെന്റെ വീടിന്റെ ഉമ്മറപ്പടിയിലേക്കുള്ള ചെമ്മൺപാതയിലേക്ക് നടക്കട്ടെ... ഒന്നര ഫർലോങ്ങ് നടന്നാൽ വീടെത്തും.... വേണ്ട ചുറ്റിക്കറങ്ങി 4 ഫർലോങ്ങ് നടക്കാം.... വെറുതെ... ഇരുൾ ക...
Comments
Post a Comment